我讀過ê 台語chheh單

予逐家參考~góa ē koh 增加

台語詩

柯柏榮著<記持開始食餌>

王羅蜜多著<台灣阿草>

胡長松著<台灣 我的祖國>

陳金順著<秋蟬>

陳金順著<掀開Siraya這本冊>

王羅蜜多著<日頭雨截句>

李桂媚著<月光情批：李桂媚台語詩集>

何信翰著<iPad kap 杯仔：何信翰台語詩集>

黃徙著<迷魂芳：倚海邊植物台語詩>

台語散文

林美麗著<石頭縫的幸運草>

林美麗著<八卦紅之心>

王昭華著<我隨意 你盡量>

陳金順著<海角恆春>

李恆德著<彼年的熱天 精選台語散文113篇：詳附註解，不懂台語也看得懂>

台語小說

陳雷著<白色ê甘蔗園>

陳明仁著<A-chhûn>

陳雷著<鄉史補記>

陳明仁著<拋荒的故事>六輯

劉承賢著<Tò-tńg倒轉>

劉承賢著<翻身番身>

藍春瑞著<奪人ê愛>

黃文俊著<楊桃將軍>

陳金順著<天良>

胡長松著<金色島嶼之歌>

陳金順著<彩虹春風>

王羅蜜多著<地獄谷>

陳正雄著<灶雞仔 Tsàu-ke-á：台語短篇小說集>

林貴龍<Thá-kheh：2012阿却賞tio̍h獎人林貴龍台語小說集>

2023嘉徽台語詩集(電子版)--我ê跤印 tī 6 月chhe欲上市！！

 老師推薦序

小女子的生命經歷 – 序嘉徽詩集《我ê跤印》

何信翰(臺中教育大學台灣語文學系副教授)

 

    嘉徽是一位chin有才情的查某囡仔，鋼琴、手工藝、文學，逐項lóng chiau會。伊也真拼勢 – 雖然身體無蓋好，總是上課、出冊、畫圖、寫作…身軀邊總是有真濟工課leh仝時進行。

    因為身體的艱苦病疼，嘉徽對文學特別投入，伊講「文字若像有一ê力量/  伊chhōa我來另外chit̍-ê世界/ Tī hit-ê世界我會當好好仔tháu-pàng我家己/ 身苦病疼暫時無--去」(〈文字的力量〉)。嘉徽對文學的意愛，對伊發表的量看會出來。伊的作品，bat刊佇《台文通訊 bóng 報》、《台文戰線》、《民報》、《教會公報》等等的文學刊物，也bat入選「 2022 戀戀曾文溪台語徵稿」的選文(伊開始寫詩到今也無幾年的時間!!)

。會當講是一位多產的詩人。

    嘉徽是一位平凡koh特別的查某囡仔。Tī chit本詩集內面，嘉徽分享伊的心情和發心beh做台語的心情；求學的過程和對時事的看法…會當講詩集內面，有伊這幾年的心路歷程。

    嘉徽和你我仝款，是一般人，所以伊的心情、伊的詩，讀者真簡單就會當tī內面對映著家己的經歷，親像這首詩：「我用鉸刀剪 tiāu 過去 ê pháiⁿ-mih̍ -á/ 我用鉸刀剪 tiāu 思戀 ê 滋味/ 我用鉸刀剪 tiāu 內心 ê 空喙/ 想欲放 bōe 記得/ 毋過 M̄-koh 就是剪 bōe tiāu 心疼 ê 感覺//」。有過類似經驗的朋友，應該lóng會當體會hit款心情。

    Tī這本詩集內面，收錄beh 70首無仝年份創作的詩作。相信若是讀者沓沓ah讀，一定會當讀出一款特別的滋味。也期待嘉徽繼續創作，寫出koh khah濟精彩的作品。