感謝有lín 創作日期:2021/05/24

 

Góa beh kám-siā ê lâng chin chē, tû-liáu góa ê chhin-lâng kap tông-o̍h, tō-sī kā góa kà--kòe ê lāu-su.

  Iû-kî sī góa chhut siā-hōe liáu, kà góa Tâi-gí ê lāu-su. In-ūi ū lín, góa chiah koh chìn chi̍t pō͘ jīn-bat lán Tâi-oân ê le̍k-sú kap bûn-hòa. In-ūi o̍h Tâi-gí m̄-sī kan-taⁿ o̍h chi̍t-ê gí-giân niâ, koh ài chai-iáⁿ chi̍t-ê gí-giân pōe-āu ê kò͘-sū.

 

  Chia ê lāu-su，koh-ū ūi Tâi-bûn chò chiok chē tāi-chì ê chiân-pòe, gún tī chia kám-siā--lín. To-siā lín ê hù-chhut, lán chiah ū hoat-tō͘ khòaⁿ-tio̍h bí-lē pó-tó ê bûn-hòa.

 

  Tâi-gí chit tiâu lō͘ lán beh kè-sio̍k kiâⁿ--lo̍h-khì. Lán kè-sio̍k phah-piàⁿ、ka-iû, it-tēng ē ū hó ê sêng-kó，kám-siā ū lín, chin-chiàⁿ chán!! Tâi-gí chit tiâu lō͘ lán bōe ko͘-toaⁿ.

漢羅版

我 beh 感謝 ê 人真 chē，tû-liáu 我 ê 親人kap同學， 就是 kā 我 kà--kòe ê 老師。

  尤其是我出社會了，教我台語 ê 老師。因為有lín，我chiah koh 進一步jīn-bat 咱臺灣 ê 歷史kap 文化。因為學台語 m̄-sī 干焦學 chi̍t-ê 語言爾，koh 愛知影chi̍t-ê 語言背後 ê 故事。

 

  Chia ê 老師，koh-ū 為台文做足chē 代誌 ê 前輩，阮  chia 感謝--lín。多謝 lín ê 付出，咱 chiah 有法度看著美麗寶島 ê 文化。

 

  台語 chit 條路咱 beh 繼續 kiâⁿ--lo̍h-khì.咱繼續拍拚、加油，一定會有好 ê 成果，感謝有 lín，真正讚!! 台語 chit 條路咱 bōe 孤單。