我可憐的國中同學(Guá khó-liân ê kok-tiong tông-o̍h) 創作日期:2017/11/29

 

Ē kì-tit tī pài-it ê sî-tsūn , guá bāng-tio̍h kok-tiong í-king kuè-sin ê tông-o̍h.

Kóng-tio̍h i, si̍t-tsāi tsiok khó-liân--ê ,in-uī i ê a-bú kan-tann i tsit ê hāu-senn niā-niā, m̄-koh in-uī i hōo hái-tsuí im--sí, tse-sī uī siánn mi̍h neh? In-uī i kap tông-o̍h khì sńg tsuí, tsuânn hōo hái-íng kńg--khí,tō án-ne i ê sìnn-miā tō bô-khì--ah.

I sī tsit ê kong-khò tsin hó ê lâng, tāi-ha̍k tha̍k Tâi-tāi, tsin tsiànn tsiok gâu--ê.M̄-koh i ê bô-sè-lī tsuânn sì-miā bô--khì,si̍t-tsāi tsiok kan-khóo--ê, jî-tshiánn i ê a-bú kan-tann I tsit ê kiánn niâ.

Tī teh 2 nî tsîng hit ê sî-tsūn, guá tsai-iánn tsit ê tāi-tsì, tsin-tsiànn m̄-kánn siong-sìn i ê lâng í-king bô tī--leh--ah.

Sóo-í m̄ -thang tī bô kiù-sing-uân ê sóo-tsāi sńg tsuí, án-ne si̍t-tsāi siunn hiám-hué ah, ta̍k-ê tshian-bān ài sè-lī--oo！

 

漢羅版

會 kì-tit tī 拜一 ê sî-chūn，我 bāng-tio̍h 我國中已經過身ê同學。

講著他， si̍t-chāi足可憐 --ê，因為他 ê 阿母干焦伊chit ê 後生niā-niā，m̄-koh 因為他 hō͘海水 im--sí，che-sī 為什麼neh? 因為他kap同學khì玩水，chôaⁿ hō͘ 海湧 kńg--khí，tō án-ne伊 ê 性命 tō 無去 --ah。

  伊是 chi̍t ê 功課真好ê人，大學讀 Tâi-tāi，真正足 gâu--ê。M̄-koh 伊 ê bô-sè-lī chôaⁿ 性命無 --khì，si̍t-chāi 足艱苦 --ê，jî-chhiánn 伊 ê 阿母干焦伊 chit ê kiáⁿ niâ.

Tī teh 2 年前hit ê sî-chūn，我知影 chit ê 代誌，真正 m̄-káⁿ 相信伊 ê 人已經bô tī--leh--ah.

所以毋通 tī 無救生員 ê só͘-chāi 耍水，án-ne si̍t-chāi 傷hiám-hóe--ah，逐家千萬愛 sè-lī--oo!

*刊tī台文通訊罔報NO.326(2021/5月)