武漢疫情 創作日期:2020/02/08

 疫情實在真恐怖

Chhùi-am就愛掛予好

若無破病真艱苦

病毒亂來共你kô

身體無力足僫好

你就氣死真正ló͘

防疫人員誠辛苦

逐家做伙來守護

 

我可憐的國中同學(Guá khó-liân ê kok-tiong tông-o̍h) 創作日期:2017/11/29

 

Ē kì-tit tī pài-it ê sî-tsūn , guá bāng-tio̍h kok-tiong í-king kuè-sin ê tông-o̍h.

Kóng-tio̍h i, si̍t-tsāi tsiok khó-liân--ê ,in-uī i ê a-bú kan-tann i tsit ê hāu-senn niā-niā, m̄-koh in-uī i hōo hái-tsuí im--sí, tse-sī uī siánn mi̍h neh? In-uī i kap tông-o̍h khì sńg tsuí, tsuânn hōo hái-íng kńg--khí,tō án-ne i ê sìnn-miā tō bô-khì--ah.

I sī tsit ê kong-khò tsin hó ê lâng, tāi-ha̍k tha̍k Tâi-tāi, tsin tsiànn tsiok gâu--ê.M̄-koh i ê bô-sè-lī tsuânn sì-miā bô--khì,si̍t-tsāi tsiok kan-khóo--ê, jî-tshiánn i ê a-bú kan-tann I tsit ê kiánn niâ.

Tī teh 2 nî tsîng hit ê sî-tsūn, guá tsai-iánn tsit ê tāi-tsì, tsin-tsiànn m̄-kánn siong-sìn i ê lâng í-king bô tī--leh--ah.

Sóo-í m̄ -thang tī bô kiù-sing-uân ê sóo-tsāi sńg tsuí, án-ne si̍t-tsāi siunn hiám-hué ah, ta̍k-ê tshian-bān ài sè-lī--oo！

 

感謝有lín 創作日期:2021/05/24

 

Góa beh kám-siā ê lâng chin chē, tû-liáu góa ê chhin-lâng kap tông-o̍h, tō-sī kā góa kà--kòe ê lāu-su.

  Iû-kî sī góa chhut siā-hōe liáu, kà góa Tâi-gí ê lāu-su. In-ūi ū lín, góa chiah koh chìn chi̍t pō͘ jīn-bat lán Tâi-oân ê le̍k-sú kap bûn-hòa. In-ūi o̍h Tâi-gí m̄-sī kan-taⁿ o̍h chi̍t-ê gí-giân niâ, koh ài chai-iáⁿ chi̍t-ê gí-giân pōe-āu ê kò͘-sū.

 

  Chia ê lāu-su，koh-ū ūi Tâi-bûn chò chiok chē tāi-chì ê chiân-pòe, gún tī chia kám-siā--lín. To-siā lín ê hù-chhut, lán chiah ū hoat-tō͘ khòaⁿ-tio̍h bí-lē pó-tó ê bûn-hòa.

 

  Tâi-gí chit tiâu lō͘ lán beh kè-sio̍k kiâⁿ--lo̍h-khì. Lán kè-sio̍k phah-piàⁿ、ka-iû, it-tēng ē ū hó ê sêng-kó，kám-siā ū lín, chin-chiàⁿ chán!! Tâi-gí chit tiâu lō͘ lán bōe ko͘-toaⁿ.

騎跤踏車(khiâ kha-tah-tshia) 學生姓名:趙崑宇 (指導老師:高嘉徽 老師)

 

今仔日我騎腳踏車去美術館

看著青 lìn-lìn ê草埔 有人tī hia行踏

 

樹頂有古錐ê鳥仔tsiu tsiu 叫

樹跤有鴨仔tī湖內底耍

 

Koh有一座美麗ê橋

Tsia美麗ê風景我永遠記牢--leh

 

成功大學 創作日期:2020/01/19

Góa tī chia ê sêng-tióng

Lóng sī i chhiâⁿ-ióng góa tōa-hàn--ê

 

Só͘-ū ê Tâi-gí pí-sài kap khó-chhì

Lóng sī tī chit bí-lē ê hāu-hn̂g oân-sêng--ê

 

Tâi-lâm chhin-chhiūⁿ góa ê A-Pah

Ín chhōa góa jīn-bat chit phìⁿ thó͘-tē ê le̍k-sú kap bûn-hòa

 

Kám-un só͘-ū chai-pôe góa ê Tâi-gí lāu-su

Lín iōng-sim jīn-chin ê hêng-iáⁿ góa kì tiâu--leh

 

Kám-siā Sêng-tāi hō͘ góa chheⁿ-chhau ê kì-tî

Góa éng-oán khǹg tī sim-koaⁿ té

台語詩兩首(悲愛/我的筆) 創作日期:2021/03/02

 

悲愛        

這是一ê悲

愛是一ê意

心內敢有你

無想欲tak-tîⁿ

為何天創治

 

 

白話字版

Che sī chi̍t-ê pi

Ài sī chi̍t-ê ì

Sim-lāi kám-ū lí

Bô siūⁿ-beh tak-tîⁿ

Ūi-hô thiⁿ chhòng-tī

阿爸kap阿母感謝lín 作者:李彩琳(指導老師:高嘉徽 老師)

 

阿爸kap阿母感謝lín  學校:高雄市鼓山區中山國小

班級:305  姓名:李彩琳  指導老師:高嘉徽 老師

 

多謝阿爸kap阿母的愛

lín足辛苦的

逐工拍拚做工teh討趁

就是欲予咱過koh較好的日子

阿爸阿母感謝lín

我會用心讀冊

等我大漢來有孝lín

圖片來源:親子天下